Tramp keshirim suramaıynsha Iran AQSh-pen kelissózge oralmaıdy
ASTANA. KAZINFORM — Iran delegatsııasy AQSh prezıdenti Donald Tramp aıtqan qoqan-loqy sózder úshin keshirim suramaıynsha, Vashıngtonmen kelissózdi qaıta bastamaıtynyn málimdedi. Bul týraly TASS habarlady.
Shveıtsarııa aýmaǵynda AQSh ókilderimen kelissózge qatysyp jatqan Iran delegatsııasy resmı baılanystardy qaıta jalǵastyrýǵa ázir emes.
Bul týraly Al Mayadeen telearnasy habarlady.
BAQ málimetinshe, Tegeran kelissózderdegi ustanymyn qatańdatyp, Lıvan aýmaǵyndaǵy áskerı is-qımyldy toqtatýdy jáne Izraıl áskerin eldiń ońtústiginen shyǵarýdy talap etken.
Iran delegatsııasynyń basshysy AQSh-qa qoqan-loqy jasaý máselesinde saq bolýǵa keńes bergen.
-Tramp keshirim suramaıynsha, kelissózder qaıta jalǵaspaıdy, — dep habarlady telearna.
Sondaı-aq ırandyq kelissóz júrgizýshiler tek Lıvandaǵy áskerı qımyldardy toqtatýdy ǵana emes, Izraıl kúshterin Ońtústik Lıvannan tolyq shyǵarýdy talap etip otyr.
Eske salaıyq, buǵan deıin AQSh pen Iran arasyndaǵy tikeleı kelissózder 21 maýsymda Shveıtsarııada bastalatyny habarlanǵan bolatyn.
