Tramp Kennedı men Martın Lıýter Kıngke jasalǵan qastandyqtyń betin ashpaqshy
ASTANA.KAZINFORM — Birinshi prezıdenttik merziminde Tramp Djon Kennedıdiń ólimine qatysty qosymsha aqparatty jarııa etýdi tapsyrǵan, endi bul jumysty aıaqtaýdy kózdep otyr, dep habarlaıdy Kazinform agenttiginiń menshikti tilshisi.
— Qujatta «Osy ólimnen 50 jyldan astam ýaqyt ótken soń, qurbandardyń otbasylary men Amerıka halqy shyndyqty bilýge laıyq. Kennedıdiń jazbalaryn odan ári jasyrý qoǵam múddesine saı emes jáne bul baıaǵyda keshiktirilgen, — dedi Aq úı.
Tramp Ulttyq barlaý dırektoryna jáne basqa da tıisti sheneýnikterge 15 kún ishinde Djon Kennedıdi óltirý týraly barlyq jazbalardy tolyq ashý josparyn usynýdy buıyrdy.
Prezıdent Tramp óziniń birinshi merziminde agenttikterge Djon Kennedıdiń óltirilgeni týraly kóbirek aqparat berýdi buıyrǵany, endi ol bul jumysty aıaqtaýdy kózdep otyrǵany aıtyldy.
— Men Aq úıge qaıtyp oralǵan soń, Kennedıdiń óltirilýine qatysty barlyq qujattardy ashamyn jáne jarııa etemin. 60 jyl boldy, Amerıka halqyna shyndyqty biletin kez keldi! , — dedi Donald Tramp.
Burynǵy prezıdent Djo Baıden 2021, 2022 jáne 2023 jyldary aqparatty ashýdy keıinge qaldyrdy.
1992 jyly Kongress kisi óltirýge qatysty barlyq jazbalardy 25 jyl ishinde jarııalaýdy mindettegen.
Eske sala keteıik, buǵan deıin Tramp AQSh-tyń ońtústik shekarasyn japqanyn habarlaǵan bolatynbyz.
