Tramp kelesi aptada alǵashqy baspasóz máslıhatyn ótkizedi
ASTANA. QazAqparat - Donald Tramp AQSh prezıdenti bolyp saılanǵannan keıingi alǵashqy baspasóz máslıhatyn 11 qańtarda ótkizýdi josparlap otyr.
Ol Nıý-Iorkte ótetin bolady. Bul týraly respýblıkashyl Twitter mıkroblogtar servısindegi óziniń paraqshasynda jazdy.
«Jalpy baspasóz máslıhatyn Nı-Iorkte 11 qańtar kúni ótkizemin. Barlyqtaryńyzǵa rahmet», - dep jazdy Tramp.
Ádette AQSh-ta jańadan saılanǵan prezıdent jýrnalıstermen kezdesýdi saılaýdan keıin kóp uzamaı ótkizedi. CNN-nyń atap ótýinshe, mundaı dástúr BAQ-tarǵa qurmet bildirý bolyp tabylady. Aıta keteıik, Tramp saılaýaldy naýqan barysynda buqaralyq aqparat quraldaryn ádiletsizdik jáne onyń qarsylasy - eks-memhatshy Hıları Klıntonǵa basymdyq berýge talpynystary úshin birneshe márte synaǵan edi.
Tramp munyń aldynda BAQ-pen úlken kezdesýdi 2016 jyldyń ortasynda uıymdastyryp, memleket basshysy mindetin atqarýda múddeler qaıshylyǵyn boldyrmas úshin óz bıznesine budan ári qalaı ıelik etetini týraly aıtyp berýge ýáde etken bolatyn. 12 jeltoqsan kúni baspasóz máslıhaty 2017 jyldyń basyna aýystyryldy.
