Tramp qaza tapqan Charlı Kırkti eń joǵary azamattyq medalmen marapattady

ASTANA. KAZINFORM – AQSh prezıdenti Donald Tramp seısenbi kúni konservatıvti belsendi Charlı Kırkti qaza tapqannan keıin eldiń eń joǵary azamattyq marapaty – Bostandyq prezıdenttik medalimen marapattady, dep habarlaıdy VVS.

Kırk 10 qyrkúıekte ıÝta alqaby ýnıversıtetinde sóz sóılep otyrǵan kezinde oqqa ushqan edi.

«Búgin biz erkindik jolynda kúresken batyl kúreskerdiń, eshkimge uqsamaıtyn qaısar kóshbasshynyń rýhyna taǵzym etý úshin jınaldyq», – dedi Tramp Aq úı aldynda ótken marapattaý rásiminde.

Prezıdent medaldi qaıtys bolǵan saıasatkerdiń jesiri Erıka Kırkke marapatty jeke tabystady (sýrette).

Saltanatty sharaǵa Tramptyń jaqyn odaqtastary – vıtse-prezıdent Djeı Dı Vens, memlekettik hatshy Marko Rýbıo, senatorlar Ted Krýz, Maık Lı, Rık Skott jáne Ókilder palatasynyń spıkeri Maık Djonson qatysty.

Charlı Kırktiń ólimi AQSh-ta úlken rezonans týǵyzdy jáne elde saıası zorlyq-zombylyqqa qatysty pikirtalastardy qaıta ýshyqtyrdy. Bul oqıǵa respýblıkashyl Tramp úshin biriktirýshi faktorǵa aınaldy. Ol ony óz elektoratyn jumyldyrý jáne ózi «radıkaldy solshyl ekstremızm» dep ataıtyn qubylyspen kúresý úshin aýqymdy sharalardy talap etýdiń negizi retinde paıdalandy.

Aıta ketsek, ótken aıda konservatıvtik kózqarastarymen tanymal amerıkalyq bloger Charlı Kırkke ıÝta alqaby ýnıversıtetinde sóılep turǵan sátinde oq atylǵanyn jazǵanbyz.