Tramp Qatarǵa shabýyl jasalsa, Irannyń Ońtústik Parsy gaz ken ornyna qaýip tónetinin eskertti
ASTANA.KAZINFORM - AQSh prezıdenti Donald Tramp Tegeran Qatarǵa taǵy da shabýyl jasasa, Irannyń Ońtústik Parsy gaz ken ornyn jaryp jiberetinin aıtyp qorqytty, dep habarlaıdy Kazinform agenttiginiń Vashıngtondaǵy tilshisi.
Tramp áleýmettik jelilerde Izraıldiń AQSh ta, Qatar da bilmegen Irannyń alyp Ońtústik Pars gaz ken ornyna shabýyl jasaǵanyn jarııalady. Buǵan jaýap retinde Iran Qatardyń suıytylǵan tabıǵı gaz zaýytynyń bir bóligine negizsiz jáne ádiletsiz shabýyl jasady.
- Izraıl endi bul mańyzdy Ońtústik Parsy ken ornyna shabýyl jasamaıdy, eger Iran kinásiz Qatar memleketine shabýyl jasaý týraly aqylsyz sheshim qabyldasa, AQSh Izraıldiń kómegimen nemese kelisiminsiz búkil eldi jappaı jaryp jiberedi, - dep eskertti Tramp Truth Social arnasynda.
AQSh prezıdenti «Ońtústik Parsy gaz ken orny Iran buryn-sońdy kórmegen qýat deńgeıine ıe» dep atap ótti.
- Men Irannyń bolashaǵyna uzaq merzimdi saldary bolatyndyqtan, mundaı zorlyq-zombylyq pen qıratýdy sanktsııalaǵym kelmeıdi, biraq eger Qatardyń suıytylǵan tabıǵı gazyna taǵy da shabýyl jasalsa, men esh oılanbaımyn, - dep qorqytty Donald Tramp.
Qatar Energy kompanııasy beısenbi, 19 naýryzda negizgi gaz habyna jasalǵan jańa soqqylar «aıtarlyqtaı» zalal keltirgenin málimdedi, dep habarlaıdy CNBC TV18.
Qatar Energy kompanııasy 18 naýryzda Ras-Laffan ónerkásiptik keshenine jasalǵan aldyńǵy shabýyldan keıin «birneshe suıytylǵan tabıǵı gaz nysandaryna zymyran tıip, aýqymdy órtter men zalal keltirgenin» málimdedi. Iran Ońtústik Parsy gaz ken ornyna jasalǵan soqqyny aıyptady, al Iran prezıdenti Masýd Pezeshkıan «búkil álemge áser etýi múmkin» «baqylaýǵa kelmeıtin saldarlar» týraly eskertti.
Iran Parsy shyǵanaǵyndaǵy kórshileriniń energetıkalyq nysandaryna, sondaı-aq Katar men Birikken Arab Ámirlikterindegi gaz nysandaryna shabýyldardy kúsheıtti.
Iran Ormýz buǵazyn qorshaýdy jalǵastyrǵandyqtan, halyqaralyq naryqtardaǵy munaı baǵasy taǵy 5%-ǵa ósip, barreline 108 dollardan asty.
Buǵan deıin Izraıldiń álemdegi eń iri gaz ken ornyna soqqy jasalǵany habarlanǵan bolatyn.
