Tramp Qasym-Jomart Toqaevty el táýelsizdiginiń 35 jyldyǵymen quttyqtady
ASTANA. KAZINFORM – AQSh Prezıdenti Donald Tramp Qasym-Jomart Toqaevqa Qazaqstan Táýelsizdiginiń 35 jyldyǵy qarsańynda quttyqtaý hatyn joldady, dep habarlaıdy Aqordanyń baspasóz qyzmeti.
-Qurmetti Prezıdent myrza!
Qazaqstan Táýelsizdiginiń 35 jyldyǵy qarsańynda jyly lebizimdi qabyl alyńyz!
Mıllıondaǵan qazaqstandyq Astanada jáne eldiń túkpir-túkpirinde 1991 jyly respýblıka Táýelsizdigi jarııalanǵannan beri kózdiń qarashyǵyndaı saqtap, eseleı túsken baı mádenıetin, tarıhı murasyn jáne qaıtalanbas kelbetin erekshe maqtanyshpen pash etedi.
Memleketterimiz arasyndaǵy Keńeıtilgen strategııalyq seriktestikti joǵary baǵalaımyn jáne men prezıdenttik laýazymdy atqarǵan eki merzimde qalyptasqan berik baılanysty odan ári nyǵaıtamyz dep senemin.
Qazaqstan halqynyń baǵyna oraı, Siz sııaqty tegeýrindi ári batyl kóshbasshysy bar. Osy qýanyshty sátti sizdermen bólisý – men úshin zor mártebe,-delingen quttyqtaýda.
Aıta keteıik, Qazaqstan táýelsizdiginiń 35 jyldyǵyn bıyl 16 jeltoqsanda atap ótedi. El táýelsizdigin 1991 jyly 16 jeltoqsanda jarııalaǵan bolatyn.
Osyǵan deıin AQSh Prezıdenti arnaıy ókili arqyly Qasym-Jomart Toqaevqa óziniń quttyqtaýyn joldaǵan bolatyn.
