Tramp Kapıtolıı búlikshilerin keshirýge ýáde berdi

ASTANA. KAZINFORM – AQSh-tyń jańadan saılanǵan prezıdenti Donald Tramp 2021 jyly Vashıngtonda bolǵan tártipsizdikterge qatysty sottalǵandardyń isin qyzmetine kiriskennen keıin birinshi kúni qaıta qaraýǵa nıetti, dep habarlaıdy DW.

Tramp óziniń sottalǵan kóptegen jaqtastary «eshqashan ashylýyna jol berilmeıtin las, jıirkenishti jerde jyldar boıy otyrǵanyn» aıtty.

- Men óte tez áreket etemin. Birinshi kún, - dedi Tramp NBC News-ke bergen suhbatynda.

Bul rette ol sottalǵandardyń barlyǵyn keshirmeıtinin jáne isti jeke qaraıtynyn atap ótti.

Esterińizge sala keteıik, 2021 jyldyń 6 qańtarynda Donald Tramptyń jaqtastary AQSh kongresiniń ǵımaratyna basyp kirip, prezıdenttik saılaýdaǵy demokrat Djo Baıdenniń jeńisin alaıaqtyq dep tanýdy talap etken bolatyn. Kópshiligi polıtsııa qyzmetkerlerine zorlyq kórsetti.