Tramp kanadalyqtarǵa usynysyn aıtty

ASTANA. KAZINFORM – AQSh prezıdenti Donald Tramp kanadalyqtardan Amerıka Qurama Shtattaryna 51-shi shtat retinde qosylýdy surady. Aq úı basshysy Truth Social platformasyndaǵy jazbasynda kanadalyqtardy AQSh-qa qosylǵan jaǵdaıda qandaı jeńildikter kútip turǵanyn egjeı-tegjeıli sıpattady, dep habarlaıdy Oxu.Az.

— Eger Kanada Amerıka Qurama Shtattarynyń 51-shi shtatyna aınalsa, salyqtaryńyzdy eki ese qysqartýǵa, áskerı kúshińizdi tegin — álemdegi eń joǵary deńgeıge kóterýge kúshi men danalyǵy jetetin adamdy saılańyz. Kanada AQSh-tyń 51-shi shtatyna aınalatyn bolsa, avtomobıl, bolat, alıýmınıı, aǵash, energetıkańyz sondaı-aq basqa salalar tórt esege kóbeıedi, - dep jazdy Tramp. 

Prezıdent Kanada Amerıka Qurama Shtattarynyń  quramyna kirmese, ony «jylyna júzdegen mıllıard dollarmen sýbsıdııalaýdyń» esh máni joq ekenin atap ótti.

Tramptyń málimdemesi Kanadada sáýirdiń 28-i kúni bastalǵan kezekten tys parlament saılaýy aıasynda jasaldy. Daýys berýge 16 partııa qatysyp jatyr, al jeńiske jetken saıası kúshtiń kóshbasshysy eldiń jańa premer-mınıstri bolady.

Buǵan deıin habarlanǵandaı, Kanadada 28 sáýirde merziminen buryn parlamenttik saılaý ótedi.