Tramp Izraıldiń Iranǵa soqqy berýine qarsy
ASTANA. KAZINFORM — AQSh prezıdenti Donald Tramp Irannyń ıadrolyq baǵdarlamasyn shekteý maqsatynda dıplomatııalyq jolǵa túsý úshin Izraıldiń Iran ıadrolyq nysandaryna josparlanǵan soqqysyna tosqaýyl qoıdy, dep habarlaıdy Kazinform tilshisi.
New York Times gazetiniń habarlaýynsha, Izraıl mamyr aıynda nysandarǵa shabýyl jasaý josparyn jasaǵan jáne Irannyń ıadrolyq qarý jasaý múmkindigin bir jyl nemese odan da kóp ýaqytqa keshiktirý úshin AQSh olardy qoldaıtynyna senimdi bolǵan.
AQSh-tyń kómegi Izraıldi Irannyń kek alýynan qorǵaý úshin ǵana emes, sonymen birge shabýyldyń sátti bolýyn qamtamasyz etý úshin qajet boldy.
Bir aıǵa sozylǵan ishki pikirtalastardan keıin Tramp áskerı áreketti qoldaýdyń ornyna Tegeranmen kelissóz júrgizýdi uıǵardy.
Osy aıda Tramp Izraılge AQSh-tyń shabýyldy qoldamaıtyny týraly sheshimin habarlady. Bul týraly ótken aptada AQSh prezıdenti Bınıamın Netanıahýǵa habarlady.
Ótken senbide AQSh pen Iran Omanda kelissóz ótkizdi. Eki el de kelissózderdi «pozıtıvti» jáne «konstrýktıvti» dep sıpattady.
Osyǵan deıin AQSh Iemenge 12-den astam áýe soqqysyn jasaǵany anyqtaldy.