Tramp: Izraıl Gazany bombalaýdy dereý toqtatýy kerek

ASTANA. KAZINFORM — AQSh prezıdenti Donald Tramp áleýmettik jelide Gaza sektoryndaǵy bitimgershilik josparyna qatysty beıneúndeýimen bólisti, dep habarlaıdy Kazinform. 

AQSh prezıdenti Donald Tramp óz jazbasynda Gazadaǵy atysty toqtatýǵa úles qosqan Túrkııa, Qatar jáne basqa elderge alǵysyn bildirdi. 

Tramp HAMAS-tyń berik beıbitshilikti qalaıtynyna jáne Izraıl tutqyndardy bosatý úshin Gazany bombalaýdy dereý toqtatýy kerek ekenine senimdi ekenin basa aıtty. Ol sondaı-aq HAMAS-tyń jaýabyn baǵalady.

— Men bul protsesti aıaqtaýǵa kómektesken elderge: Qatar, Túrkııa, Saýd Arabııasy, Mysyr, Iordanııa jáne t. b. alǵys aıtqym keledi. Búgin uly kún, bári qalaı aıaqtalatynyn kóremiz. Meniń sońǵy sózim naqty bolýy kerek, — dep atap ótti ol.

Tramp tutqyndardyń tezirek bosatylyp, úılerine oralýyn kútetinin aıtty. 

— Sondyqtan men sizderge mynany aıtqym keledi. Búgin óte erekshe, bálkim, buryn-sońdy bolmaǵan kún. Men sondaı-aq bizdi qoldaǵan uly elderge de alǵys aıtamyn. Barlyǵy osy soǵystyń aıaqtalyp, Taıaý Shyǵysta beıbitshilik ornaǵanyn qalady. Biz bul maqsatqa jetýge óte jaqynbyz, — dep jazdy AQSh prezıdenti.

Buǵan deıin top «Donald Tramp josparynyń» bir tarmaǵyna sáıkes Izraılge barlyq tutqyndy — tiri de, óli de kúıinde berýge keliskenin jazǵan bolatynbyz.

Tramp HAMAS-qa Gazadaǵy beıbitshilik josparyna jaýap berý úshin birneshe kún bergen edi.

Osyǵan deıin Túrkııany qosa alǵanda segiz memleket Tramptyń Gazadaǵy shabýyldy toqtatý josparyn qoldaǵany týraly jazdyq.