Tramp: Izraıl endi Qatarǵa soqqy jasamaıdy

ASTANA. KAZINFORM – AQSh prezıdenti Donald Tramp Izraıldiń ótken aptada Dohadaǵy HAMAS kóshbasshylaryna shabýylynan soń Qatar aýmaǵyna shabýyl jasamaıtynyn málimdedi.

Armenpress-tiń habarlaýynsha, Tramp bul týraly Aq úıde jýrnalıstermen bolǵan áńgime barysynda aıtqan. Kezdesýdiń beınejazbasyn ​​Forbes Breaking News jarııalaǵan.

- Olar endi Qatarǵa shabýyl jasamaıdy, - dep jaýap berdi Tramp Izraıldiń Qatardaǵy nysandarǵa taǵy shabýyldaýy múmkin be, degen saýalǵa jaýap bere otyryp.

Tramp Qatardyń AQSh seriktesi ekenin eske saldy.

Aıta keteıik, 9 qyrkúıek kúni Izraıl HAMAS kóshbasshylaryn nysanǵa alyp, Dohaǵa soqqy jasady. Náıjesinde palestınalyq qozǵalystyń 5 múshesi jáne Qatar-dyń qaýipsizdik qyzmetiniń 1 qyzmetkeri qaza boldy.