Tramp Italııa premer-mınıstrimen kezdesti

ASTANA. KAZINFORM – Italııa premer-mınıstri Djordjııa Melonı Eýropa úshin tarıfterdi tómendetýge qol jetkizý maqsatynda Aq úıge bardy, dep habarlaıdy Kazinform tilshisi The New York Times basylymyna silteme jasap. 

Melonı Vashıngtonǵa Italııanyń atynan kelgenimen, onyń sapary kóp jaǵdaıda Tramp tarıfteriniń áserin boldyrmaýǵa tyrysatyn jalpy Eýropanyń atynan boldy. 

– Maqsatym – Batysty qaıtadan uly etý. Meniń oıymsha, biz muny birge jasaı alamyz, - dedi Djorja Melonı. 

Premer-mınıstr Trampty Italııaǵa resmı saparmen shaqyrdy. Onda ol eýropalyq kóshbasshylarmen kelissózder ústelin qura alatynyn aıtty. 

Tramp AQSh-tyń keıbir tarıfteri boıynsha 90 kúndik úzilis aıaqtalǵanǵa deıin Eýropalyq Odaqpen «100 paıyzdyq saýda kelisimine» qol jetkiziletinin jetkizdi. 

Osy rette aıta ketken jón, Italııa AQSh-pen 45 mıllıard dollarlyq saýda balansyna ıe. 

Italııa premer-mınıstri qańtarda Tramptyń ınaýgýratsııasyna shaqyrylǵan jalǵyz eýropalyq kóshbasshy boldy jáne AQSh prezıdenti Melonıdi birneshe ret maqtap, ony «fantastıkalyq kóshbasshy» jáne «álemdi jaqsartý úshin birge jumys isteı alatyn adam» dep atady. 

Eske sala keteıik, buǵan deıin Tramp ákimshiligi Garvardtan sheteldik stýdentterdi qabyldaý quqyǵyn alyp qoıýy múmkin ekenin jazǵan edik.