Tramp Irannyń joǵary jetekshisi Álı Hameneıdiń qaza tapqanyn habarlady
ASTANA. KAZINFORM – AQSh prezıdenti Donald Tramp Truth Social paraqshasynda Irannyń joǵary jetekshisi Álı Hameneıdiń qaza tapqanyn jetkizdi.
— Hameneı — tarıhtaǵy eń qatigez adamdardyń biri, ol qaza tapty. Bul tek Iran halqyna ádilettilik qana emes, sonymen birge Hameneı men onyń qanisher toby óltirgen nemese múgedek etken barlyq uly amerıkalyq pen álemniń kóptegen elindegi adamdarǵa da ádilettilik boldy, — dep jazdy AQSh prezıdenti.
Sondaı-aq ol bul jaǵdaı Iran halqy úshin óz elin qaıtarý jolyndaǵy jalǵyz múmkindik ekenin atap ótti.
Buǵan deıin biz habarlaǵanymyzdaı, Irannyń joǵary jetekshisiniń qaza bolǵany týraly aqparat Izraıl sheneýnikterine silteme jasap taraǵan, biraq Tegeran tarapynan resmı rastaǵan joq.
