Tramp Irannyń ıadrolyq nysandarynyń tolyq joıylatynyn málimdedi

ASTANA. KAZINFORM – AQSh-tyń soqqysynan Irannyń ıadrolyq nysandary tolyǵymen joıyldy. Bul málimdemeni Amerıka prezıdenti Donald Tramp jasady, dep habarlaıdy TASS aqparat agenttigi. 

– Joǵarydan qaraǵan kezde ıadrolyq nysandardyń jerdeginiń barlyǵyn sharpyǵanyn umytpańyz. Bári túgel órtenip ketken. Meniń oıymsha, bul tolyq qıraý boldy, - dedi Amerıka basshysy NATO Bas hatshysy Mark Rýtpen kezdesýinde. 

Tramp amerıkalyq BAQ-taǵy, negizinen ózine dushpandyq kózqarastaǵy aqparattardy synady. Olar barlaý derekterine silteme jasaı otyryp, Amerıka Qurama Shtattary Irannyń ıadrolyq nysandaryn tolyǵymen joıa almady dep málimdegen bolatyn. 

Eske sala keteıik, buǵan deıin Tramptyń NATO sammıtine qatysý úshin Gaagaǵa kelgenin habarlaǵan edik. 

Sondaı-aq Kongress Tramptyń áskerı ókilettikteri týraly qarardy buǵattaǵanyn jazǵan bolatynbyz.