Tramp Irannyń ıadrolyq nysandaryn joıatynyn eskertti
ASTANA. KAZINFORM — Eger Iran ıadrolyq nysandaryn qaıta qalpyna keltirgisi kelse, olar joıylady. Bul týraly AQSh prezıdenti Donald Tramp Truth Social jelisinde jazdy.
— Irandaǵy úsh ıadrolyq nysan tolyǵymen joıyldy jáne/nemese isten shyǵaryldy. Olardy qaıta iske qosýǵa birneshe jyl qajet bolar edi. Eger Iran olardy qaıta jandandyrýdy qalasa, bul oǵan tıimsiz bolmaq. Odan da úsh jańa jerde jańadan bastaý tıimdirek bolar edi — óıtkeni olar qaıtadan joıylady, — dep jazdy Aq úı basshysy.
Buǵan deıin Iran bıligi sanktsııalyq qysym kúsheıse, ıadrolyq qarýdy taratpaý týraly sharttan shyǵýy múmkin ekenin eskertken. Sondaı-aq ýrandy 60%-dan joǵary deńgeıde baıytý, zamanaýı tsentrıfýgalar óndirisi men eksportyn ulǵaıtý josparlary bar ekenin aıtqan. Bul týraly Iran parlamentiniń ulttyq qaýipsizdik jáne syrtqy saıasat jónindegi komıssııasynyń ókili Ebrahım Rezaı Tasnim agenttigine málimdegen.
Sonymen qatar Iran bıligi MAGATE-men (Atom energııasy jónindegi halyqaralyq agenttik) yntymaqtastyqty tolyq toqtatpaǵanyn, biraq aldaǵy ýaqytta ony jańa formatta jalǵastyratynyn habarlaǵan.