Tramp Irannyń ıadrolyq nysandaryn taǵy da soqqy astyna alamyz dep otyr
ASTANA. KAZINFORM — Dúısenbi kúni AQSh Ormýz buǵazyndaǵy Irannyń Keshm aralyna soqqy jasady, dep habarlady Kazinform agenttiginiń menshikti tilshisi FOX News arnasyna silteme jasap.
Bul operatsııa Iran kúshteriniń Amerıkanyń ushaǵyn atyp túsirýine jaýap retinde bastaldy jáne amerıkandyq taraptyń aıtýynsha, tek qorǵanys sıpatynda bolǵan. Oqıǵa AQSh-tyń Iranǵa qarsy áskerı shabýyldarynyń qaıta bastalýyn nemese shıelenistiń órshýin bildirmeıdi.
Irannyń IRNA aqparat agenttigi aralda bes jarylys bolǵanyn habarlady. Keshmde jer asty zymyran kesheni, áskerı-teńiz bazasy jáne iri sý tuşylandyrý zaýyty ornalasqan.
Oqıǵa aıasynda AQSh prezıdenti Donald Tramp Iranmen qaqtyǵysty «óte jumsaq soǵys» dep atap, AQSh Irandaǵy Kırkýk ıadrolyq nysanyna «bir saǵat ishinde» soqqy berýi múmkin dep eskertti.
Tramp Vashıngton Irannyń ıadrolyq qarýǵa ıe bolýyna jol bere almaıtynyn málimdedi. Ol Tegeranmen kelissózder júrip jatqanyn, biraq jeke baǵalaýy boıynsha, kelissózdegi Irannyń pozıtsııasy álsiz ekenin atap ótti.
Buǵan deıin Iran tarapy eger AQSh talaptaryn oryndasa, Ormýz buǵazyn eki kúnde ashýǵa daıyn ekenin málimdegen.
