Tramp: Iranmen soǵys 3 qarashaǵa deıin aıaqtalýy múmkin
ASTANA. KAZINFORM — AQSh pen Iran arasyndaǵy soǵys 2026 jylǵy 3 qarashadaǵy Kongress saılaýyna deıin aıaqtalýy múmkin. Bul týraly Kazinform Anadolu agenttigine silteme jasap habarlaıdy.
AQSh prezıdenti Donald Tramp osy jańalyqty amerıkalyq NewsNation telearnasyna bergen suhbatynda aıtty.
Buǵan deıin Aq úı basshysy jýrnalısterge bergen túsiniktemesinde soǵys 3 qarashada ótetin saılaýdan keıin birden aıaqtalatynyn málimdegen edi. Onyń aıtýynsha, Iran budan ári qarsy tura almaıdy.
— Bul másele saılaýdan keıin retteledi, tipti odan erte sheshilýi múmkin, — dedi ol.
AQSh Prezıdenti Irannyń Iordanııadaǵy amerıkalyq bazaǵa jasaǵan sońǵy soqqylary aımaqtaǵy Amerıka ushaqtaryna zaqym keltirdi degen qaýesetti joqqa shyǵardy.
— Joq, eshqandaı zaqym keltirgen joq, múldem shyǵyn bolmady, — dedi ol.
Kazinform úshin Anadolu agenttigi usynǵan materıal.
Buǵan deıin Iran AQSh-pen soǵysty toqtatýdyń sharttaryn ataǵanyn jazǵan edik.
Aqzat Jıenalına
