Tramp Iranmen yntymaqtasatyn elderge 25 paıyzdyq baj salyǵyn engizetinin málimdedi

ASTANA. KAZINFORM — AQSh prezıdenti Donald Tramp Iranmen yntymaqtasatyn elderge 25 paıyzdyq baj salyǵyn engizetinin málimdedi. 

— Osy sátten bastap Iran Islam Respýblıkasymen bıznes júrgizetin kez-kelgen el Amerıka Qurama Shtattarymen kez-kelgen jáne barlyq iskerlik qatynastar úshin 25% baj salyǵyn tóleıtin bolady. Bul ókim túpkilikti jáne shaǵymdanýǵa jatpaıdy, — dep jazdy Tramp TruthSocial saıtynda.

Eske salaıyq, AQSh prezıdenti Donald Tramp Iran úkimetine qarsy úsh jyl ishindegi eń iri jappaı narazylyq aktsııalaryna qatysty pikir bildirip, elge kómektesýge daıyn ekenin málimdedi.

Tramp 11 qańtar kúni Iranǵa qatysty eń qatań nusqalar qarastyrylyp jatqanyn aıtty.

Sol kúni Iran parlamentiniń spıkeri Mohammad Bager Galıbaf tótenshe otyrysta AQSh áskerı áreketke barsa, Irannyń zańdy nysandary men basyp alynǵan aýmaqtarda, sondaı-aq AQSh-tyń áskerı bazalary men kemelerine qarsy soqqy jasalatynyn aıtty.

Dúısenbi kúni Iran sherýler kezinde qaza tapqandar úshin úsh kúndik aza tutý jarııalady.

Iranda 28 jeltoqsannan beri narazylyq sherýleri jalǵasyp keledi. Baǵanyń kúrt ósýi kópshiliktiń narazylyǵyn týdyrdy. Irannyń sońǵy taqtan taıdyrylǵan shahynyń uly Reza Pehlevı narazylyq bildirýshilerdi qala ortalyqtaryn basyp alyp, ustap turýǵa shaqyrdy.