Tramp Iranǵa qarsy jańa áskerı operatsııa júrgizýi múmkin ekenin eskertti
ASTANA. KAZINFORM – AQSh prezıdenti Donald Tramp Tegeran kelissózderge kelispegen jaǵdaıda Iranǵa qarsy taǵy bir áskerı operatsııa bastalýy múmkin ekenin málimdedi. Bul týraly Anadolu agenttigi jazdy.
Tramp bul týraly juma kúni Florıda shtatynda ótken mıtıngte aıtty. Ol buǵan deıin júrgizilgen «Midnight Hammer» («Tún ortasyndaǵy balǵa») jáne «Epic Fury» («Joıqyn qahar») operatsııalaryn atap ótip, olardyń Irannyń ıadrolyq áleýetine aıtarlyqtaı zııan keltirgenin málimdedi.
– «Midnight Hammer» operatsııasy arqyly Irannyń ýran baıytý múmkindigin tolyq joıdyq, – dedi Tramp jaqtastaryna sóılegen sózinde.
Onyń aıtýynsha, túnde júrgizilgen osy operatsııadan keıin qalǵan jumystar «Epic Fury» operatsııasy aıasynda atqarylǵan.
Sondaı-aq AQSh prezıdenti Iran kelissózder arqyly kelisimge kelmese, áskerı áreketter qaıta jalǵasýy múmkin ekenin aıtty.
– Biz taǵy bir shaǵyn «Epic Fury» operatsııasyn júrgizýimiz múmkin. Áıtpese, olar kelisimge keledi. Eger olar aqyldy bolsa, «iske kósheıik» dep aıtar edi, – dedi ol.
Aqpan aıynyń sońynda bastalǵan soǵys atysty toqtatý týraly kelisimge jáne beıbit kelisimdi túpkilikti bekitý jónindegi ózara túsinistik týraly memorandýmǵa qaramastan, áli tolyq rettelgen joq.
Málimetterge qaraǵanda, AQSh pen Izraıl amerıkalyq aralyq saılaýdan keıin Iranǵa qarsy soqqylardy qaıta bastaý josparyn ázirlegen. Izraılde de parlament saılaýy 27 qazanda ótedi.
Eske sala ketsek, buǵan deıin AQSh Taıaý Shyǵys bazalaryndaǵy áskerin azaıtyp jatqanyn jazdyq.
