Tramp Iranǵa «20 ese kóp soqqy beretinin» aıtyp qorqytty

ASTANA.KAZINFORM - AQSh prezıdenti Donald Tramp Iranǵa qarsy soqqylardyń qarqynyn kúsheıtetinin eskertti.

Aqúı basshysy bul týraly TruthSocial áleýmettik jeli platformasyndaǵy jazbasynda jazdy.

- Eger Iran Ormýz buǵazyndaǵy munaı aǵynyn toqtatatyn kez kelgen shara qoldansa, AQSh oǵan burynǵydan 20 ese qatty soqqy beredi, - dedi ol.

Sonymen qatar, amerıkalyq kóshbasshy «jeńil joıylatyn nysanalarǵa» soqqy jasaǵannan keıin Iran ult retinde qalpyna kele almaıtynyn aıtty.

Aıta keteıik, biz buǵan deıin Ormýz buǵazy jabylǵanyn, munaı naryǵyn ne kútip turǵany týraly jazǵan edik.