Tramp Irandy seısenbiniń bir túninde «joıyp jiberemin» dep qorqytty
ASTANA. KAZINFORM — AQSh prezıdenti Donald Tramp Irandy bir túnde «joıyp tastaýǵa» bolatynyn málimdep, shıelenistiń artýy aıasynda mundaı qadamǵa seısenbi kúni bara alatynyn shamalady, dep habarlaıdy Kazinform-nyń Vashıngtondaǵy menshikti tilshisi.
Aq úı basshysynyń málimdeýinshe, amerıkalyq qarýly kúshteriniń sońǵy aptalarda Iran ústinen aýqymdy áýe shabýylyn júrgizgenin, sońǵy 37 kúnde 10 myńnan astam áýe shabýylyn jasap, 13 myńnan astam nysanaǵa soqqy bergen, dep jazdy Republic.
Tramp sondaı-aq Iranmen soǵysta Vashıngtonǵa «kómektespegen» AQSh odaqtastaryn synǵa aldy.
— Japonııa bizge kómektespedi, Aýstralııa bizge kómektespedi, Ońtústik Koreıa bizge kómektespedi, sodan keıin NATO-ǵa júginesiz — NATO da bizge kómektespedi, — dep málimdedi Donald Tramp Aq úıdegi baspasóz máslıhatynda.
Tramp AQSh-tyń bul elderge kómek kórsetip jatqanyn qosty: «Japonııada olardy Soltústik Koreıadan qorǵap júrgen 50 myń áskerimiz bar, Ońtústik Koreıada olardy Kım Chen Ynnan qorǵap otyrǵan 45 myń áskerimiz bar».
Sodan keıin Tramp keıbir Parsy shyǵanaǵynyń keı elderin qoldaý bildirgeni úshin maqtady.
— Saýd Arabııasy keremet boldy, Qatar keremet boldy, BAÁ keremet boldy, Bahreın, Kýveıt keremet boldy, — dep atap ótti ol.
«Eń aýqymdy soqqy»
Sol kúni AQSh qorǵanys mınıstri Pıt Hegset Aq úıde prezıdent Tramptyń buıryǵymen «Epıkalyq Qahar» operatsııasy bastalǵannan beri «eń aýqymdy soqqy» dúısenbide jasalatynyn, eger Iran kelissóz júrgizbese, seısenbide taǵy da soqqylar jasalatynyn málimdedi. Hegset Iranǵa «aqylmen» kelisimge kelýge keńes berip, Tramptyń nıeti berik ekenin atap ótti.
— Prezıdenttiń nusqaýy boıynsha osy operatsııa bastalǵannan beri eń aýqymdy soqqy búgin jasalady. Erteń odan da kóp bolady. Sodan keıin Iranda tańdaý bolady. Aqylmen tańdańyz, sebebi bul prezıdent ázildep turǵan joq, — dedi ol.
Tramp pen Hegsettiń málimdemeleri Iranǵa strategııalyq turǵydan mańyzdy Ormýz buǵazyn qaıta ashý týraly eskertýdiń bir bóligi retinde aıtyldy. AQSh seısenbi kúni saǵat keshki 20:00–ge (ET) deıin ýaqyt berdi.
Osyǵan deıin Ormýz buǵazyndaǵy tranzıt «eki dálizdi júıege» kóshkenin habarladyq.
