Tramp Irandy aýqymdy ekonomıkalyq oqshaýlaýǵa kóshetinin málimdedi
ASTANA. KAZINFORM — AQSh prezıdenti Donald Tramp Iranǵa qarsy aýqymdy ekonomıkalyq operatsııa bastalǵanyn jarııalady. Onyń aıtýynsha, Vashıngton Islam Respýblıkasyn buryn-sońdy bolmaǵan deńgeıde ekonomıkalyq oqshaýlaýdy kózdep otyr.
— Iranǵa kelisim jasaý úshin menen artyq múmkindik bergen eshkim bolǵan joq. Ókinishtisi, olar bul múmkindikti paıdalana almady, — dep jazdy Tramp óziniń Truth Social áleýmettik jelisinde.
AQSh prezıdenti jańa naýqandy «buryn-sońdy bolmaǵan aýqymdaǵy ekonomıkalyq soǵys pen oqshaýlaý» dep atady.
Tramp sondaı-aq Irandy qoldaıtyn elderdi yqtımal saldar týraly eskertip, AQSh odaqtastaryn Vashıngtonǵa qosylýǵa shaqyrdy.
Alaıda AQSh prezıdentiniń málimdemesinde Vashıngtonnyń Tegeranǵa qarsy naqty qandaı jańa ekonomıkalyq sharalar qabyldaıtyny aıtylmaǵan.
Aıta keteıik, Iran AQSh-ty Parsy shyǵanaǵyn lastady dep aıyptady. Tegeran Parsy shyǵanaǵy men Oman teńizine keltirilgen ekologııalyq zalal úshin ótemaqy talap etýge nıetti.
