Tramp Irandaǵy operatsııanyń aıaqtalýy týraly aıtty

ASTANA. KAZINFORM — AQSh prezıdenti Donald Tramp Iranǵa qarsy júrgizilip jatqan áskerı operatsııanyń aıaqtalý kezeńine ótip jatqanyn málimdedi, dep habarlaıdy Report.

— Bizde bári jaqsy júrip jatyr. Bul (áskerı operatsııa — red.) aıaqtalýǵa jaqyndap qaldy, — dedi Donald Tramp.

Eske sala keteıik, AQSh pen Izraıl 28 aqpanda Iranǵa qarsy áskerı operatsııa bastap, birqatar qalalarǵa áýe soqqylaryn jasaǵan. Buǵan jaýap retinde Iran Izraıl aýmaǵyna zymyrandar ushyryp, sondaı-aq Parsy shyǵanaǵy elderindegi amerıkalyq áskerı bazalarǵa shabýyl jasaǵan. Jaǵdaıǵa baılanysty aımaqtaǵy birqatar memleketter áýe keńistigin ýaqytsha japty. Sol kúni soqqylar nátıjesinde Irannyń joǵarǵy kóshbasshysy Alı Hameneı qaza tapty.

Keıinirek AQSh-tyń Iran bıligine Taıaý Shyǵystaǵy qaqtyǵysty toqtatý boıynsha 15 tarmaqtan turatyn jospar joldaǵany belgili boldy.

Buǵan deıin Donald Tramp AQSh-qa áskerı qoldaý kórsetpeı qoıǵan seriktesterine shúılikken bolatyn.