Tramp Iran men Hark aralynyń munaıyn basyp alýǵa ruqsat berdi
ASTANA.KAZINFORM - Donald Tramp AQSh Irannyń munaı resýrstaryn, sonyń ishinde Harg aralyn baqylaýǵa alatynyn málimdedi, dep habarlaıdy BBC.
Financial Times basylymyna bergen suhbatynda Tramp Iran munaıy men negizgi ınfraqurylymyn baqylaýǵa alýdy qarastyryp jatqanyn málimdedi.
Atap aıtqanda, ol AQSh eldiń negizgi munaı ortalyǵy Harg aralyn basyp alýy múmkin ekenin aıtty. Sondaı-aq, amerıkalyq kúshterdiń belgili bir ýaqytqa deıin sol jerde bolýy kerek ekenin atap ótti.
Irannyń araldaǵy qorǵanys múmkindikteri týraly suraqqa jaýap bere otyryp, Tramp olardyń shekteýli ekenin jáne Amerıka Qurama Shtattary «baqylaýdy ońaı qolǵa ala alatynyn» aıtty.
Bul málimdemeler Taıaý Shyǵystaǵy AQSh áskerı qatysýynyń kúsheıýimen, aımaqqa shamamen 3500 qosymsha amerıkalyq ásker ornalastyrylýymen baılanysty boldy.
Sonymen qatar, Tramp AQSh pen Iran arasyndaǵy deldaldar arqyly janama baılanystar jalǵasyp jatqanyn jáne onyń pikirinshe, sátti júrip jatqanyn málimdedi. Ol jaqyn arada atysty toqtatý týraly kelisimge qol jetkizý múmkindigin joqqa shyǵarmady.
Buǵan deıin Vashıngton jasyryn túrde qurlyqtaǵy shabýylǵa daıyndalyp jatqandyǵy týraly Iran parlamenti spıkeriniń málimdemesin habarlaǵan edik.