Tramp Iran bıligin beıbit narazylyq bildirýshilerge kúsh qoldanbaýǵa shaqyrdy
ASTANA. KAZINFORM — Iranda narazylyq bildirýshiler men qaýipsizdik kúshteri arasynda qaqtyǵystar boldy. Bul týraly VVS habarlaıdy.
AQSh prezıdenti Donald Tramp Truth Social áleýmettik jelisindegi jazbasynda Iran bıligine qatań eskertý jasady.
— Eger Iran beıbit narazylyq bildirýshilerge oq atyp, olardy óltiretin bolsa, bul olardyń ádettegi tájirıbesi, onda Amerıka Qurama Shtattary olarǵa kómekke keledi. Biz tolyq jaýyngerlik ázirlikte turmyz, — dep jazdy ol.
Irannyń birqatar qalasynda úkimetke qarsy narazylyq aktsııalary besinshi táýlik qatarynan jalǵasyp jatyr. Bul sherýler 2022 jyldan bergi eń aýqymdy narazylyqtar retinde sıpattalyp otyr.
Narazylyq bildirýshiler men qaýipsizdik kúshteri arasyndaǵy qaqtyǵystar saldarynan keminde alty adam qaza tapqany habarlandy.
