Tramp ımpıchmenti: Іs Senatqa jiberildi
NUR-SULTAN. QazAqparat - AQSh-tyń Ókilder palatasy Donald Tramp ımpıchmentine qatysty qujattardy Senatqa jiberý týraly sheshim qabyldady, dep habarlaıdy QazAqparat VVS-ge silteme jasap.
Ókilder palatasynyń spıkeri Nensı Pelosı tıisti qujattarǵa qol qoıdy. Endi Senat Prezıdentti qyzmetinen bosatý nemese bosatpaý týraly sheshim qabyldaıdy. Aıta ketý kerek, Senat Tramptyń respýblıkalyq partııasy ókilderiniń baqylaýynda.
Prezıdentke óz qyzmetin asyra paıdalandy jáne Kongress jumysyna kedergi keltirdi degen aıyp taǵylyp otyr.
