Tramp Ilon Maskten Iranda ınternetti qalpyna keltirýdi suramaq
ASTANA.KAZINFORM - Iranda ınternet 80 saǵattan beri óshirýli. Osyǵan baılanysty AQSh prezıdenti Donald Tramp kásipker Ilon Maskpen ınternetti qaıta qosý múmkindigin talqylamaq. Bul týraly Kazinform agenttiginiń menshikti tilshisi habarlaıdy.
AQSh prezıdentiniń aıtýynsha, áńgime Starlink spýtnık ınternetin paıdalaný týraly bolmaq. Reuters agenttigi habarlaǵandaı, Tramp bul týraly jeksenbi kúni Vashıngtonda jýrnalısterge aıtqan.
– Ol mundaı máselelerdi óte jaqsy túsinedi, onyń kompanııasy da bar, – dedi Tramp SpaceX kompanııasymen yqtımal yntymaqtastyq týraly suraqqa jaýap bere otyryp.
PRESIDENT TRUMP says he plans to speak with Elon Musk about sending Starlink to Iran as the nation faces a sweeping internet blackout amid anti-regime protests. pic.twitter.com/JzUOsIGAao
— Fox News (@FoxNews) January 12, 2026
SpaceX usynatyn Starlink spýtnıktik ınternet qyzmeti buǵan deıin de Iranda qoldanylǵan. Ilon Mask pen atalǵan kompanııanyń ókilderi ázirge AQSh prezıdentiniń málimdemesine qatysty pikir bildirmedi.
Beısenbiden beri Irannan keletin aqparat aǵyny aıtarlyqtaı shekteldi. NetBlocks monıtorıngtik uıymynyń derekterine sáıkes, el boıynsha ınternet-blekaýt 84 saǵattan astam ýaqytqa sozylyp otyr.
⚠️ Update: As #Iran wakes up to a new day, metrics show the national internet blackout is past the 84 hour mark.
— NetBlocks (@netblocks) January 12, 2026
Years of digital censorship research point to these workarounds:
📻 Shortwave/HAM radio
📶 Cell towers at borders
📡 Starlink terminals
🛰️ Direct-to-Cell satellite pic.twitter.com/1UqMAbLYEV
Mask buǵan deıin de Iran turǵyndaryna úkimettik shekteýlerdi aınalyp ótý úshin Starlink qyzmetin usynýdy qoldaǵan. Atap aıtqanda, ol 2022 jylǵy narazylyqtar kezinde osyndaı bastama kótergen. Sol kezde AQSh ákimshiligi Maskpen spýtnıktik ınternetti iske qosý jóninde kelissózder júrgizgen bolatyn.
Irandaǵy narazylyqtardyń tolqyny 28 jeltoqsanda baǵanyń kúrt ósýine baılanysty bastalyp, keıin úkimetke qarsy sıpat aldy.
Quqyq qorǵaý uıymdarynyń baǵalaýynsha, narazylyqtar bastalǵaly beri júzdegen adam qaza tapqan. Alaıda Irannyń resmı bıligi qurbandar sany jaıly derekterdi jarııalaǵan joq.
Dúısenbi kúni Iran bıligi qurbandardy eske alý úshin úsh kúndik aza tutý jarııalady.