Tramp Harrıspen pikirtalas ótkizýge daıyn
ASTANA.KAZINFORM – AQSh-tyń burynǵy prezıdenti Donald Tramp vıtse-prezıdent Kamala Harrıspen debat ótkizýge daıyn ekenin málimdedi, dep jazady Politico.
Jýrnalıstermen telefon konferentsııasy kezinde D. Tramp vıtse-prezıdent K.Harrıspen pikirtalas ótkizetinin aıtty. Ol debattyń ABC News arnasy nemese basqa platformada ótetinine qaramastan, «birneshe pikirtalas ótkizýge daıyn» ekenin málimdedi.
D.Tramp sonymen qatar «ABC News-ke kóńili tolmaıtynyn» bildirdi, onyń pikirinshe, bul arna prezıdent Djo Baıden men K.Harrıstiń múddesin qoldaıdy. Buǵan deıin D.Tramp pikirsaıysty neǵurlym konservatıvti Fox News-te ótkizýdi talap etken.
Esterińizge sala keteıik, D.Tramp pen Dj.Baıden mamyr aıynda eki pikirsaıys ótkizýge kelisti — 27 maýsymda CNN arnasynda jáne 10 qyrkúıekte ABC News telearnasynda. Dj.Baıdenniń maýsymdaǵy pikirsaıystaǵy óneri onyń AQSh prezıdenttigine kandıdatýrasyn Demokratııalyq partııadan alyp tastaýǵa jáne estafetany K.Harrıske berýine ákep soqty.
Alaıda, kandıdatty tańdaý týraly sońǵy sheshim 19-22 tamyz aralyǵynda Chıkagoda ótetin Demokratııalyq partııanyń sezinde qabyldanady.
Seısenbi kúni Tramptyń saılaýaldy shtaby áleýmettanýshy Tonı Fabrıtsıonyń K.Harrıstiń reıtıngi joǵarylap, ol D.Tramppen salystyrǵanda ýaqytsha alǵa jyljyǵany týraly jazbasyn jarııalady.
