Tramp HAMAS-tyń jaýabynan keıin beıbitshilik jaqyndady dep málimdedi

AQSh Prezıdenti Donald Tramp HAMAS qozǵalysy beıbit josparǵa jaýap bergen soń, Taıaý Shyǵysta beıbitshiliktiń jaqynda iske asatynyn aıtty.

– Bizge kómektesken barlyq elderge alǵys aıtamyn. Barlyǵy birge áreket etti, bul soǵysty toqtatyp, Taıaý Shyǵysta beıbitshilikti ornatýǵa umtyldy jáne biz sol maqsatqa jaqynbyz, — dedi AQSh basshysy Truth Social platformasynda jarııalaǵan beınesholýda.

Tramp Qatar, Túrkııa, Saýd Arabııasy, Mysyr jáne Iordanııanyń kelisimge úles qosqanyn erekshe atap ótti.

– Bul óte mańyzdy kún. Qalaı bolatynyn kóretin bolamyz. Biz sońǵy sózdi aıtýymyz kerek, — dedi ol kelisimniń sońǵy sharttary boıynsha. 

Sonymen birge ol Gazadan tutqyndardyń qaıtarylýyn asyǵa kútip otyrǵanyn aıtty. 

Buǵan deıin HAMAS ızraıldik kepilge alynǵandardy bosatýǵa jáne Tramptyń josparyn talqylaýǵa daıyn ekenin aıtqan.