Tramp HAMAS-tan Gazadaǵy ızraıldik tutqyndardyń barlyǵyn bosatýyn talap etti

ASTANA. KAZINFORM — AQSh prezıdenti Donald Tramp HAMAS-tan Gaza sektorynda tutqynǵa alynǵan barlyq ızraıldikterdi dereý bosatýdy talap etip, top basshylyǵyn anklavty tastap ketýge shaqyrdy, dep habarlaıdy BBC.

— Tutqyndardyń barlyǵyn keıinirek emes, qazir bosatyp, óltirgen adamdardyń denelerin dereý qaıtaryńdar, áıtpese jaman bolady […] Siz meniń aıtqanymdy oryndamaıynsha, HAMAS-tyń birde bir múshesi qaýipsizdikte bolmaıdy, — dep jazdy ol Truth Social áleýmettik jelisinde.

— Bul sizderge sońǵy eskertý! Basshylyqqa (HAMAS-qa) keletin bolsaq, qazir múmkindigińiz bar kezde Gazany tastap ketý ýaqyty keldi. Men sondaı-aq Gaza halqyna úndeý aıtamyn: adamdardy kepilde ustamasańyz, sizdi tamasha bolashaq kútip tur, — dep qosty ol.

Aq úı buǵan deıin AQSh-tyń HAMAS-pen kepilge alynǵandar boıynsha kelissózder júrgizip jatqanyn rastady, degenmen Vashıngton osy ýaqytqa deıin olarmen tikeleı baılanysta bolǵan joq. Aq úıdiń baspasóz hatshysy Kerolaın Levıtt kelissózder bastalmas buryn Izraılmen konsýltatsııalar júrgizilgenin habarlady.

Aıta ketelik Tramp Kongreste ınflıatsııamen kúres josparyn jarııalaǵan edi.