Tramp: HAMAS kelisim berse, Gaza sektorynda dereý bitim engiziledi

 ASTANA. KAZINFORM — Donald Tramptyń aıtýynsha, eger HAMAS qozǵalysy amerıkalyq tarap ázirlegen josparǵa kelisimin berse, Gaza sektorynda atysty toqtatý rejımi birden kúshine enedi.

– Kelissózder nátıjesinde Izraıl biz kórsetken jáne HAMAS jaǵyna jetkizilgen bastapqy ásker shegerý syzyǵymen kelisip otyr. HAMAS óz kelisimin resmı túrde rastaǵan boıda, bitim dereý kúshine enedi. Osydan keıin tutqyndar men kepilge alynǵandardy almastyrý úderisi bastalyp, biz kelesi ásker shegerý kezeńine ótetin jaǵdaı qalyptastyramyz. Bul úsh myń jyl boıy jalǵasyp kele jatqan apatty aıaqtaýǵa bir qadam jaqyndatady, – dep jazdy Tramp Truth Social áleýmettik jelisindegi paraqshasynda.

Buǵan deıin HAMAS qozǵalysy «Donald Tramp josparynyń» bir tarmaǵyna sáıkes Izraılge barlyq tutqyndy — tiri de, óli de kúıinde berýge keliskenin jazǵan bolatynbyz.