Tramp Google-ǵa salynǵan aıyppulǵa baılanysty Eýroodaqqa qoqan-loqy jasady
ASTANA. KAZINFORM – AQSh prezıdenti Donald Tramp Eýropalyq komıssııanyń amerıkalyq tehnologııalyq alpaýyt Google kompanııasyna salǵan 890 mln eýro kólemindegi rekordtyq aıyppulyna baılanysty Eýroodaqty qatań synǵa aldy, dep habarlaıdy BILD.
Tramp óziniń Truth Social áleýmettik jelisindegi paraqshasynda Eýroodaqtyń áreketin «zańsyz ári ádepke qaıshy» dep baǵalap, buǵan jaýap retinde EO-ǵa qatysty eleýli kedendik tarıfter engizilýi múmkin ekenin málimdedi.
Eýropalyq komıssııa Google-dy ınternettegi básekelestikti shektedi dep aıyptap otyr. Retteýshiniń málimetinshe, kompanııa izdeý nátıjelerinde óz servısterine basymdyq bergen. Sondaı-aq Android qosymshalaryn ázirleýshilerdiń paıdalanýshylardy balama tólem tásilderi men qoldanbalar dúkenderine baǵyttaýyna kedergi keltirgen.
Google taǵylǵan aıyptardy joqqa shyǵaryp, Brıýssel talaptary izdeý júıesiniń sapasyn tómendetip, Play Store dúkenindegi qaýipsizdik tetikterin álsiretetinin málimdedi. Kompanııa bul sheshimge shaǵym túsirý múmkindigin qarastyryp jatqanyn habarlady.
Bul Google-ǵa salynǵan alǵashqy aıyppul emes. Sońǵy sheshimdi qosa eseptegende, Eýroodaqtyń kompanııaǵa salǵan monopolııaǵa qarsy aıyppuldarynyń jalpy kólemi 10,38 mlrd eýroǵa jetti.
Aıta ketelik EO Google-ǵa 890 mln eýro aıyppul salǵan edi.
