Tramp Golovkın - Djeıkobs aıqasyna barmaıdy
ASTANA. QazAqparat - AQSh prezıdenti Donald Tramp 18 naýryzda «Medıson Skver Gardende» ótetin Gennadıı Golovkın men Denıel Djeıkobstyń jekpe-jegine barýdy josparlap otyrǵan joq, dep habarlady Sports.kz.
Bul týraly qazaqstandyq boksshynyń promoýteri Tom Leffler SB Nation Radio efırinde aıtty.
«Joq, joq, bul joly ol kelmeıdi», - dep kúlip jaýap berdi Leffler Aq úı basshysy kelýi múmkin be degen suraqqa.
Eske salsaq, budan buryn el prezıdenttigine úmitker kezinde Donald Tramp «Gardende» ótken Gennadııdiń eki aıqasyna barǵan. Ol Davıd Lememen jekpe-jek aldynda Golovkınmen kıim aýystyratyn bólmede jolyǵyp, sáttilik tilegen.
