Tramp Germanııadaǵy saılaýdyń aldyn ala qorytyndysyn túsindirdi

ASTANA. KAZINFORM – AQSh prezıdenti Donald Tramp konservatorlardy Germanııa Federatıvtik Respýblıkasyndaǵy  jeńisimen quttyqtap, saılaý qorytyndysy nemisterdiń parasattylyqsyz saıasattan sharshaýymen túsindirýge bolatynyn atap ótti, dep habarlaıdy DW aqparat agenttigi. 

Donald Tramp Germanııa býndestagyna saılaýdyń aldyn ala qorytyndysyna jaýap berdi, oǵan sáıkes Hrıstıan-demokratııalyq odaq (HDO) pen Hrıstıan-áleýmettik odaq (HÁO) blogy 28,5% daýys jınady. Aq úı basshysy pikirin jeksenbi, 23 aqpanda Truth áleýmettik jelisinde jarııalady.

— Germanııadaǵy konservatıvti partııa óte mańyzdy ári kópten kútken saılaýda jeńiske jetken sııaqty. AQSh sııaqty Germanııa halqy da kóptegen jyl boıy ásirese energetıka men mıgratsııada basym bolǵan qısynsyz kún tártibinen sharshady, - dep qosty Tramp. 

Ol 23 aqpandy Germanııa jáne AQSh úshin onyń basshylyǵymen bolǵan «uly kún» dep atady. 

— Barshańyzdy quttyqtaımyn — alda áli talaı jeńister bar, - dep túıindedi Amerıka memleketiniń basshysy.

Buǵan deıin Olaf Sholts saılaýda jeńilgenin moıyndaǵanyn jazǵan bolatynbyz.