Tramp Gazadaǵy qaqtyǵysty eki-úsh aptada retteýge bolatynyn aıtty
ASTANA. KAZINFORM – AQSh prezıdenti Donald Tramp Gazadaǵy qaqtyǵysty eki-úsh aptada retteýge bolady degen pikirde. Bul týraly ol Aq úıde Ońtústik Koreıa prezıdenti Lı Chje Menmen kezdesýdiń basynda jýrnalısterdiń saýaldaryna jaýap bere otyryp, málimdedi, dep jazady reseılik TASS.
- Menińshe, biz aldaǵy eki-úsh aptada qaqtyǵysty tolyq aıaqtaýǵa qatysty qorytyndy sheshimge kelemiz degen oıdamyn. Bul týraly jalpy birdeńe aıtý qıyn, sebebi olar myńdaǵan jyldar boıy soǵysyp keledi, ol jer qashanda qaqtyǵystyń oshaǵy bolyp kelgen, - dedi Tramp.
18 naýryzda Izraıl áskeri Gaza sektorynda atysty toqtatý týraly rejımdi buzyp, qýatty soqqylar jasap, áskerı áreketterdi jandandyrdy.
Izraıl premer-mınıstri keńsesi buny HAMAS palestınalyq radıkaldy qozǵalysynyń kelissózder barysynda deldaldar men AQSh prezıdentiniń arnaıy elshisi Stıven Ýıtkofftyń usynystarynan bas tartýymen túsindirdi. Olar sektordaǵy operatsııanyń basty maqsaty – kepildegi adamdardy bosatý dep biledi. Radıkaldar bolsa áskerı áreketterdiń jandanýyna Izraıl men AQSh-ty aıyptap otyr.
8 tamyz kúni Izraıldiń áskerı-saıası kabıneti premer-mınıstr Bınıamın Netanıahý usynǵan Gaza qalasyn tolyq baqylaýǵa alý jáne Palestına anklavyndaǵy operatsııany keńeıtý týraly jospardy maquldady. 20 tamyz kúni Izraıldiń Qorǵanys mınıstri Israel Kats bul jospardy bekitti.
Osyǵan deıin Izraıldiń Gazany tolyq basyp alý operatsııasyn bastaǵany týraly jazdyq.