Tramp Gazadaǵy Beıbitshilik keńesin basqarady

ASTANA. KAZINFORM – Donald Tramp búkil álemdi BUU Qaýipsizdik Keńesiniń AQSh Prezıdenti jáne basqa da yqpaldy álemdik kóshbasshylar tóraǵalyq etetin Beıbitshilik keńesin qurýdy maquldaý týraly tamasha sheshimimen quttyqtady, dep habarlaıdy Kazinform menshikti tilshisi.

- Búkil álemdi Birikken Ulttar Uıymy Qaýipsizdik Keńesiniń tóraǵalyq etetin jáne álemdegi eń yqpaldy jáne qurmetti kóshbasshylardy qamtıtyn Beıbitshilik Keńesin qurýdy moıyndaý jáne maquldaý týraly keremet sheshimimen quttyqtaımyn, - dep jazdy Donald Tramp Truth Social-da.

Aq úı basshysy: «Bul oqıǵa tarıhta BUU tarıhyndaǵy eń iri oqıǵalardyń biri retinde qalady, álemdik beıbitshilikti nyǵaıtady jáne shynymen de tarıhı mańyzy bar sát bolady!», - dep atap ótti.

«Birikken Ulttar Uıymyna jáne BUU-ǵa múshe barlyq elderge: Qaýipsizdik Keńesine, Qytaıǵa, Reseıge, Frantsııaǵa, Ulybrıtanııaǵa, Aljırge, Gaıanaǵa, Grekııaǵa, Danııaǵa, Ońtústik Koreıaǵa, Pákistanǵa, Panamaǵa, Serra-Leonege, Slovenııaǵa jáne Somalıge alǵys aıtamyn, - dedi Aq úı basshysy.

AQSh prezıdenti sondaı-aq Qatar, Mysyr, Birikken Arab Ámirlikteri, Saýd Arabııasy Koroldigi, Indonezııa, Túrkııa jáne Iordanııanyń berik qoldaýy úshin alǵysyn bildirdi.

Osyǵan deıin BUU Qaýipsizdik keńesi AQSh prezıdenti Donald Tramptyń Gaza sektoryna qatysty beıbitshilik josparyn qoldaıtyn AQSh qararynyń jobasyn qabyldaǵanyn jazǵan edik.