Tramp: Gaza boıynsha jospardyń birinshi kezeńi aldaǵy aptada aıaqtalýy yqtımal
ASTANA. KAZINFORM – AQSh prezıdenti Donald Tramp Gaza sektoryndaǵy jaǵdaıdy retteý boıynsha josparynyń birinshi kezeńi aldaǵy aptalardy aıaqtalýy múmkin ekenin málimdedi. Bul týraly prezıdent Truth Social áleýmettik jelisine jazdy, dep habarlaıdy reseılik TASS.
-Osy demalys kúnderi radıkaldy HAMAS qozǵalysymen jáne búkil álem elderimen kepildegi azamattardy bosatý, Gazada soǵysty toqtatý, eń bastysy Taıaý Shyǵysta beıbit ómir ornatý baǵytynda jaqsy pikirtalas ótip jatyr. Bul kelissózder óte sátti ótip, óte jyldam júrip jatyr,-dep málimdedi AQSh prezıdenti.
Bul rette ol 6 qyrkúıekte Mysyrda osy iske qatysty qalǵan máseleler talqylanatyn jumys tobynyń otyrysy ótetinin qosa ketti.
-Maǵan birinshi faza osy aptada aıaqtalatynyn jetkizdi, osy rette men barlyǵyn jedel qımyldaýǵa shaqyrar edim, dep málimdedi Tramp. Osy rette ol baıaý qımyl eshkim de qalamaıtyn úlken qantógistiń jalǵasýyna yqpal etetinin aıtty.
29 qyrkúıek kúni Aq úı Tramptyń Gaza sektoryndaǵy jaǵdaıdy retteýge qatysty 20 bólimnen turatyn keń aýqymdy josparyn jarııalady. Onda palestına anklavynda ýaqytsha syrtqy kúshterdi engizip, jaǵdaıdy turaqtandyrý úshin halyqaralyq kúshterdi ornalastyrý kózdelgen. Izraıl bul talappen kelisetinin jarııalady.
