Tramp G20 sammıtine barmaıdy, AQSh atynan vıtse-prezıdent qatysady

ASTANA. KAZINFORM — AQSh prezıdenti Donald Tramp qarasha aıynda Ońtústik Afrıka Respýblıkasynda ótetin «Úlken jıyrmalyqtyń» (G20) sammıtine barmaıtynyn málimdedi. Onyń ornyna kezdesýge AQSh vıtse-prezıdenti Djeı Dı Vens qatysady, dep habarlaıdy DW.

Tramptyń aıtýynsha, 2026 jylǵy G20 sammıti jeltoqsanda Maıamı mańyndaǵy Doral qalasynda ornalasqan, ózine tıesili golf-klýb pen qonaqúı kesheninde ótedi.

— Iá, ol Doralde ótedi. Barlyǵy dál sol jerde bolýyn qalaıdy, sebebi kýrort áýejaıǵa jaqyn ornalasqan. Bul eń jaqsy jer ári tamasha, — dedi AQSh prezıdenti, onyń sózin AFP agenttigi jarııalady.

Respýblıkalyq saıasatkerdiń aıtýynsha, sammıtti uıymdastyrýdan qarjylaı paıda kózdeý qarastyrylmaǵan.

— Bul aqshaǵa qatysty kelisim emes, — dep atap ótti ol.

Sonymen qatar Tramp AQSh-ta ótetin sammıtte Reseı prezıdenti Vladımır Pýtın men Qytaı tóraǵasy Sı Tszınpındi qýana qabyldaıtynyn jetkizdi.