Tramp Florıdadaǵy rezıdentsııasynda Melonıdi qabyldady

ASTANA. KAZINFORM — Italııanyń premer-mınıstri Djordja Melonı AQSh-tyń jańadan saılanǵan prezıdenti Donald Tramptyń Mar-a-Lagodaǵy rezıdentsııasyna kelissóz júrgizý úshin bardy.

Onyń aıtýynsha, kezdesý Melonıdiń jaqtastarynyń Italııa premer-mınıstri «Tramptyń Eýropadaǵy basty odaqtasy» bolady degen úmitin nyǵaıtady.

TASS aqparat agenttiginiń málimetinshe, kezdesýdiń kún tártibi áli belgisiz, alaıda Melonı Tramppen respýblıkashyldardyń eýropalyq eldermen kelispeýshilikterin azaıtýdy talqylaýy ábden múmkin.

Italııa premer-mınıstriniń Tramppen kezdesýi Amerıka ákimshiliginiń qazirgi basshysy Djo Baıdenniń 9-12 qańtarǵa josparlanǵan saparyna birneshe kún qalǵanda ótip jatyr. Italııada Baıdenniń Melonımen, sondaı-aq Rım Papasy Frantsıskpen kezdesýi josparlanǵan.

Basylymnyń atap ótýinshe, Tramp saılanǵaly onyń rezıdentsııasyna birneshe memleket basshylary, sonyń ishinde Majarstan premer-mınıstri Vıktor Orban, Argentına prezıdenti Haver Maılı jáne Kanada premer-mınıstri Djastın Trıýdo bardy.

Buǵan deıin habarlaǵanymyzdaı, Tramp Memlekettik departamenttiń baspasóz hatshysy qyzmetine Temmı Brıýsti usyndy.