Tramp Florıdadaǵy golf klýbyn prezıdent rezıdentsııasyna aınaldyrmaq
ASTANA. KAZINFORM — AQSh prezıdenti Donald Tramp Florıda shtatynyń Ýest-Palm-Bıch qalasyndaǵy Trump International golf klýby aýmaǵynda demalys jáne mańyzdy kezdesýler ótkizýge arnalǵan rezıdentsııa ashylýy múmkin ekenin málimdedi, dep habarlaıdy Kazinform agenttiginiń Vashıngtondaǵy menshikti tilshisi CBS News arnasyna silteme jasap.
Bul ıdeıa jaıly jurtshylyq golf klýbynyń advokaty Palm-Bıch okrýginiń komıssııa múshelerine Trump International golf klýbyna prezıdenttik rezıdentsııa mártebesin berýdi usynyp hat joldaǵannan keıin bildi.
Tramptyń aıtýynsha, bul ıdeıany AQSh Qupııa qyzmeti men áskerıler usynǵan.
Bul ıdeıaǵa bastamashy bolǵandar alańnyń aınalasynda bıik ǵımarattar men turǵyn úılerdiń bolmaýyn, qyraǵy kúzetti, quqyq qorǵaý organdary men halyqaralyq áýejaıdyń jaqyn ornalasýyn jáne golf klýbynyń damyǵan ınfraqurylymyn alǵa tartady.
Aq úı úkimettiń bolashaq prezıdentter paıdalana alatyn jáne sheteldik kóshbasshylarmen kezdesýler de ótkizýge bolatyn prezıdenttik rezıdentsııa qurýdy qarastyryp otyrǵanyn rastady.
AQSh prezıdenti Mar-a-Lago kýrortynda bola otyryp, Tramp halyqaralyq golf alańynda golf oınaıdy.
Buǵan deıin AQSh-taǵy Trump National Doral golf-kýrortynda Donald Trampqa arnalǵan jańa músin ornatylǵan bolatyn.
