Tramp federaldy mekemelerge Anthropic tehnologııasyn qoldanýyna tyıym saldy

ASTANA. KAZINFORM — Bir kún buryn AQSh prezıdenti Donald Tramp barlyq federaldy vedomstvolarǵa Anthropic kompanııasynyń tehnologııasyn qoldanýdy dereý toqtatýdy tapsyrǵanyn aıtty. Aq úı basshysy bul týraly Truth Social áleýmettik jelisinde jazdy, dep habarlaıdy Report.

Ol kompanııanyń ónimderin paıdalanatyn qorǵanys mınıstrligi sııaqty qurylymdar úshin 6 aılyq ótpeli kezeń qarastyrylatynyn jetkizdi.

— Men AQSh úkimetiniń árbir federaldy keńsesine Anthropic tehnologııasyn paıdalanýdy dereý toqtatýdy tapsyramyn. Bizge bul qajet emes, biz ony qalamaımyz jáne olarmen budan bylaı jumys istemeımiz, — dep jazdy Tramp. 

Pentagon men Anthropic arasynda kelispeýshilik týyndady. Osy kezde AQSh prezıdenti buıryq berip, áskerılerdiń soǵys jaǵdaıynda jasandy ıntellektini paıdalaný máselesine qatysty alańdaýshylyqty taǵy da kóterdi.

Aıta keteıik, JPMorgan Chase banki alǵash ret 2021 jylǵy 6 qańtardaǵy Kapıtolıı mańyndaǵy oqıǵadan keıin Donald Tramp pen onyń kompanııalarynyń bank shottaryn japqanyn resmı túrde rastady.