Tramp Erdoǵandy Beıbitshilik keńesiniń quryltaıshysy bolýǵa shaqyrdy
ASTANA. KAZINFORM – AQSh prezıdenti Donald Tramp Túrkııa prezıdenti Rejep Taııp Erdoǵandy Gaza sektorynyń qalpyna keltirilýi men qaýipsizdigin qamtamasyz etýge arnalǵan «Beıbitshilik keńesiniń» quryltaıshy múshesi bolýǵa shaqyrdy, dep habarlaıdy Anadoly.
Tramp Erdoǵandy Gaza qalasyn qalpyna keltirý úshin qurylǵan «Beıbitshilik keńesiniń» quryltaıshysy bolýǵa shaqyrdy
Túrkııa prezıdenti ákimshiliginiń baılanys basqarmasynyń basshysy Býrhanettın Dýrannyń málimetinshe, 16 qańtar 2026 jyly Tramp Erdoǵanǵa «Beıbitshilik keńesiniń» quryltaıshy múshesi bolýǵa shaqyratyn hat joldaǵan.
Amerıkalyq basshy Erdoǵanǵa Keńestiń jumysyna qatysý usynylǵanyn, ol Gaza sektoryn qalpyna keltirý men qaýipsizdigin qamtamasyz etýge jaýapty bolatynyn aıtqan.
— BUU Qaýipsizdik Keńesi 2803 qararymen AQSh prezıdenti Donald Tramp jarııalaǵan Gazadaǵy janjaldy toqtatý jónindegi jan-jaqty josparyn qoldaýdy sheshti. Osy aıasda «Beıbitshilik keńesi» jáne onyń qurylymdary qurylyp, Gazanyń qaýipsizdigin qamtamasyz etý jáne qalpyna keltirý jumystaryna jaýapty bolady, — dep jazdy Dýran týretskaıa NSosyal platformasynda.
Buǵan deıin habarlanǵandaı, «Beıbitshilik keńesiniń» atqarýshy quramyna AQSh memlekettik hatshysy Marko Rýbıo, AQSh prezıdentiniń arnaıy elshisi Stıven Ýıtkoff, Donald Tramptyń kúıeýbalacy Djared Kýshner, Dúnıejúzilik banktiń basshysy Adjaı Banga jáne Ulybrıtanııanyń burynǵy premer-mınıstri Tonı Bler sııaqty tulǵalar kirýi josparlanǵan.