Tramp ekinshi ret josparly medıtsınalyq tekserýden ótedi

ASTANA. KAZINFORM – AQSh prezıdenti Donald Tramp Ýolter Rıd atyndaǵy Ulttyq áskerı medıtsına ortalyǵynda «jyl saıynǵy josparly tekserýden» ótedi, dep habarlaıdy NBC News.

Tramp Medıtsına ortalyǵyna áskerı qyzmetshilermen josparlanǵan kezdesý barysynda barady.

Sáýirde Tramp Ýolter Rıd emhanasynda dıagnostıkalyq jáne zerthanalyq synaqtardy qamtıtyn medıtsınalyq tekserýden ótti jáne ol prezıdenttiń ekinshi merzimdegi alǵashqy jarııa tekserý boldy.

Aq úıdiń dárigeri Shon Barbabella https://www.inform.kz/ru/polnostyu-zdorov-tramp-proshel-medosmotr-fe892b alǵashqy tekserý kezinde qyzmettik jazbasynda Tramptyń «tanymdyq jáne fızıkalyq densaýlyǵy tamasha jáne ol bas qolbasshy jáne memleket basshysy qyzmetin atqarýǵa tolyq daıyn» dep jazdy.

Qyzmettik hatta sondaı-aq holesterın deńgeıin tómendetetin preparat týraly jazylyp, Tramptyń artyq salmaǵy bar ekeni aıtylǵan.

79 jastaǵy Tramp 2024 jyldyń qarashasynda prezıdent bolyp saılanǵan eń qart adam boldy. Ol 2020 jyly saılanǵan prezıdent Djo Baıdennen nebári birneshe aı úlken bolǵan.

Oń qolynyń artynda kógergen tusy keıde tonaldy ıismaımen jasyrylǵan bolyp kórindi.

Aqpan aıynda Aq úı kógerýdiń sebebi Tramptyń «kúni boıy jumys istep, qol alysýynan» dep málimdedi. Keıin onyń dárigeri shilde aıyndaǵy baıandamasynda kógerýdiń júrek-qan tamyrlary aýrýlarynyń aldyn alý úshin Tramp qabyldaǵan aspırınniń janama áseri dep jazdy.

Mamyr aıynda Djo Baıdenge qaýipti onkologııalyq dıagnoz qoıylǵanyn habarlaǵan bolatynbyz.