Tramp ekinshi prezıdenttik merziminde alǵash ret zań jobasyna veto qoıdy

ASTANA.KAZINFORM - Donald Tramp osy aptada ekinshi prezıdenttik merzimindegi zań jobasyna alǵash ret veto qoıyp, eki partııanyń qoldaýymen Kongres qabyldaǵan eki birdeı zań jobasyn qabyldamaı qoıdy, dep habarlaıdy NBC News.

Birinshi veto Koloradonyń ońtústik-shyǵysyna taza sý jetkizetin Arkanzas alqabyndaǵy qubyr qurylysyn aıaqtaý týraly zańǵa qatysty boldy. Tramp qubyr qurylysynyń tarıhyna toqtalyp, onyń keshiktirilgenin jáne tym qymbat bolatynyn atap ótti.

- Jeter dedim be, jeter. Meniń ákimshiligim amerıkalyq salyq tóleýshilerdiń qymbat jáne senimsiz saıasatty qarjylandyrýyna jol bermeýge mindetti, - dep jazdy Tramp Twitter-de.

Zań jobasynyń avtory, Kolorado shtatynan shyqqan respýblıkashyl ókil Loren Bobert áleýmettik jelilerde: «Bul áli sońy emes» dep jazdy. 

Demokratııalyq senator Djon Hıkenlýper Trampty «partııashyldyq tanytyp, Kolorado shtatyn jazalady» dep aıyptap, kongresti vetony alyp tastaýǵa shaqyrdy.

Tramp veto qoıǵan taǵy bir zań jobasy, Mıkkosýkı qoryq aımaǵyn ózgertý týraly zań Florıdadaǵy qoryq aımaǵyn Evergleıds ulttyq saıabaǵynyń bir bóligin qosý arqyly keńeıtýdi qarastyrdy.

Vetony túsindirgen hatynda Tramp Mıkkosýkı taıpasyn (úndisterdiń rezervatsııasy) «men saılanǵan kezde amerıkalyqtar sheshýshi daýys bergen durys ımmıgratsııalyq saıasatqa kedergi keltirýge» tyrysty dep aıyptady.

Birinshi merziminde Tramp 10 zań jobasyna veto qoıdy, olardyń tek bireýin ǵana kongress qabyldamady.

Buǵan deıin AQSh Kongresinde Amerıka Qurama Shtattaryn NATO-dan shyǵarý týraly zań jobasy engizilgeni habarlanǵan bolatyn.

Armenııa men AQSh TRIPP jobasy boıynsha alǵashqy qujatqa jaqyn arada qol qoıady.