Tramp Djensen Hýangtyń ornyna NVIDIA basshysy qyzmetine Tım Kýkty usyndy

ASTANA. KAZINFORM – AQSh prezıdenti Donald Tramp NVIDIA kompanııasynyń bas dırektory qyzmetinen ketken Djensen Hýangtyń ornyna Apple kompanııasynyń burynǵy basshysy Tım Kýkty usyndy. Bul týraly AQSh prezıdenti Truth Social áleýmettik jelisindegi paraqshasynda habarlady.

Tramp Djensen Hýangtyń ornyna NVIDIA basshysy qyzmetine Tım Kýkty usyndy
Foto: JI

– NVIDIA bas dırektory, tamasha jumys atqarǵan Djensen Hýang qyzmetinen ketkennen keıin onyń ornyn basatyn bir ǵana adam bar – Apple kompanııasynyń basshysy Tım Kýk. Ańyzdyń ornyn ańyz basady! – dep jazdy Tramp Truth Social áleýmettik jelisindegi paraqshasynda.

Eske sala keteıik, NVIDIA kompanııasy 12 qarashada Djensen Hýangtyń prezıdent jáne bas dırektor qyzmetinen ketkenin, sondaı-aq Dırektorlar keńesiniń quramynan shyqqanyn habarlady. Kompanııanyń qarjy dırektory Kolett Kress ýaqytsha bas dırektor bolyp taǵaıyndaldy. Qazir Dırektorlar keńesi kompanııanyń ishinen de, syrttan da turaqty basshy izdestirip jatyr.

Buǵan deıin Tım Kýktyń 2026 jylǵy 1 qyrkúıekten bastap Apple kompanııasy Dırektorlar keńesiniń atqarýshy tóraǵasy qyzmetine aýysatyny habarlanǵan edi. Al onyń ornyna kompanııanyń apparattyq qamtamasyz etý jónindegi aǵa vıtse-prezıdenti Djon Ternýs bas dırektor bolyp taǵaıyndalýy josparlanǵan.

qazinform.com