Tramp dızel baǵasy sharyqtaǵan tusta fermerlerge 8 mlrd bólmek
ASTANA. KAZINFORM — AQSh prezıdenti Donald Tramp dızel baǵasynyń rekordtyq deńgeıde qymbattaýynan zardap shekken fermerlerge bılik 8 mlrd dollar kóleminde kómek kórsetetinin málimdedi, dep habarlaıdy Kazinform agenttiginiń Vashıngtondaǵy menshikti tilshisi CBS News-ke silteme jasap.
— Aýyl sharýashylyǵy mınıstrligi bıylǵy egin jınaý maýsymynda dızel otynynyń shyǵyndaryn óteý úshin fermerge 8 mıllıard dollar beretin jańa baǵdarlamany iske qosady, — dep málimdedi Tramp Kanzasta ótken saılaýshylarmen kezdesýde.
AQSh aýyl sharýashylyǵy mınıstrligi «Egin jınaýǵa qajet janarmaı kómegi» baǵdarlamasy fermerlerge 2026 jylǵy egin jınaý kezindegi shyǵyndarynyń bir bóligin standartty formýla boıynsha óteıtinin málimdedi. Esepteý kezinde egistik alqaptar, boljamdy óndiris shyǵyndary, sondaı-aq mınıstrliktiń «Aýyl sharýashylyǵyndaǵy álemdik usynys pen suranysty baǵalaýy» boıynsha ónimdilik pen aýyl sharýashylyǵy baǵalary eskeriledi.
AQSh-ta fermerler dızel otyny baǵasynyń kúrt ósýine baılanysty qarjylyq qıyndyqtarǵa tap boldy. Amerıka avtomobıl qaýymdastyǵynyń málimetteri boıynsha, 1 gallon dızeldiń ortasha baǵasy qazir 6,32 dollarǵa jetken, bul bir jyl burynǵy 3,62 dollardan joǵary.
Buǵan deıin Tramp AQSh dızel otynyn eksporttaýǵa tyıym salmaıtynyn málimdegen.
