Tramp Dıego-Garsııadaǵy áskerı bazany qoldaıtynyn, odan bas tartpaıtynyn rastady

ASTANA. KAZINFORM — AQSh prezıdenti Donald Tramp beısenbi kúni, 5 aqpanda, Ulybrıtanııanyń premer-mınıstri Kır Starmermen Dıego-Garsııa aralyna qatysty «óte nátıjeli» kelissózder júrgizgenin málimdedi, dep habarlaıdy Anadolý.

«Bul — Úndi muhıtynyń dál ortasynda strategııalyq turǵydan tıimdi ornalasqan, AQSh-tyń iri áskerı bazasy ornyqqan aımaq. Sol sebepti onyń Amerıka Qurama Shtattarynyń ulttyq qaýipsizdigi úshin mańyzy zor», dep jazdy Tramp Truth Social áleýmettik jelisindegi paraqshasynda.

Prezıdent Starmer jasasqan jalǵa berý kelisimin moıyndaıtynyn aıtyp, ony «múmkin bolatyn eń jaqsy kelisim» dep atady. Alaıda ol AQSh-tyń jalǵa alý kelisimi buzylǵan jaǵdaıda nemese amerıkalyq operatsııalarǵa qaýip tóngen kezde áreket etý quqyǵyn ózinde qaldyratynyn atap ótti.

«Eger qajet bolǵan jaǵdaıda, men Dıego-Garsııadaǵy amerıkanyń qatysýyn áskerı jolmen qamtamasyz etý jáne kúsheıtý quqyǵyn ózimde qaldyramyn», dedi ol.

Aıta keteıik, AQSh prezıdenti Donald Tramp óziniń qaýipsizdigine alańdaıtynyn, biraq mundaı oılardan aýlaq bolýǵa tyrysatynyn aıtty.