Tramp COVID-19 vaktsınatsııasyn talap etetin mektepterdi qarjylandyrýǵa tyıym saldy
ASTANA. KAZINFORM - AQSh-ta COVID-19 vaktsınasyn mindetti túrde talap etetin mektepter men kolledjder federaldyq qarjylandyrýdan aıyrylýy múmkin, dep habarlaıdy CBS News.
AQSh prezıdenti Donald Tramp osyǵan baılanysty jarlyqqa juma kúni qol qoıdy.
Aq úıde COVID-19-ǵa qarsy mindetti vaktsınatsııa «bilim alý múmkindikterine qaýip tóndiredi» dep málimdedi.
Prezıdent bilim jáne densaýlyq saqtaý mınıstrlerine mindetti vaktsınalardy toqtatý josparyn ázirleýdi jáne osy tyıymdy buzǵan mekemelerge qarjylandyrýdy toqtatý mehanızmin anyqtaýdy tapsyrdy.
Eske salaıyq, 21 qańtarda AQSh prezıdenti Donald Tramp Qurama Shtattardyń Dúnıejúzilik densaýlyq saqtaý uıymynan (DDU) shyǵýy týraly jarlyqqa qol qoıdy. AQSh-tyń izinen Argentına da uıymnan shyǵatyn bolady.
Sondaı-aq Donald Tramp AQSh-tyń energetıkalyq ústemdik keńesin qurǵan edi.