Tramp chıpter boıynsha 2,9 mln dollarlyq kelisimdi boldyrmaýdy buıyrdy
ASTANA. KAZINFORM — Prezıdent Donald Tramp juma kúni AQSh ulttyq qaýipsizdik múddelerine qaýip tóndirgen 2,9 mln dollar somasyna kompıýterlik chıp kelisimin boldyrmaýdy buıyrdy, dep habarlaıdy NBC News.
Іskerlik mámile týraly 2024 jyldyń mamyr aıynda Baıden ákimshiligi kezinde jarııalandy.
Kelisim sharttary boıynsha, aeroǵarysh jáne qorǵanys salasynda mamandandyrylǵan Emcore Corp. kompanııasy kompıýterlik chıpter men jartylaı ótkizgish plastınalardy óndirýge arnalǵan jabdyqtaryn HieFo kompanııasyna 2,92 mln dollarǵa satty.
Biraq Tramp HieFo kompanııasynan bul tehnologııany 180 kún ishinde satýdy talap etip, kompanııanyń qazirgi ıesi Qytaı azamaty ekenin kórsetetin «senimdi dálelderdi» keltirip otyr.
HieFo kompanııasyn doktor Genzao Chjan men Garrı Mýr qurǵan.
Buǵan deıin Tramp NVIDIA-ǵa JI úshin keıbir chıpti Qytaıda satýǵa ruqsat beretinin jazǵan bolatynbyz.