Tramp Charlı Kırktiń qurmetine AQSh-taǵy barlyq týdy túsirýge buıryq berdi
ASTANA. KAZINFORM — AQSh prezıdenti Donald Tramp Utah Valley ýnıversıtetinde qastandyqpen qaza tapqan Turning Point USA uıymynyń negizin qalaýshy Charlı Kırktiń qurmetine el aýmaǵyndaǵy barlyq týdy túsirýge pármen berdi. Bul týraly Breitbart basylymy jazdy.
«Shyn máninde uly amerıkalyq patrıot Charlı Kırktiń qurmetine jeksenbi kúni keshki saǵat 18:00-ge deıin búkil Amerıka Qurama Shtattaryndaǵy týlardy túsirýge buıryq beremin», — dep jazdy Donald Tramp Truth Social platformasynda.
Prezıdent buǵan deıin de «AQSh jastaryn Charlı sekildi eshkim túsinip, olardyń júregine jaqyn bolmaǵanyn» atap ótken bolatyn.
Deseret News tilshileriniń málimetinshe, oqıǵa Kırktiń stýdenttermen kezdesýindegi suraq-jaýap sessııasy kezinde bolǵan. Áńgime bastalǵannan shamamen eki mınýt ótkende atys daýysy estilip, saıasatker moıyn tusynan jaralanǵan.
31 jastaǵy Charlı Kırk — eldegi eń iri konservatıvtik jastar uıymdarynyń biri Turning Point USA-nyń negizin qalaýshylardyń biri.
Ol sondaı-aq tanymal podkast júrgizip, jańalyq arnasyn basqarǵan. Artynda jary men eki balasy qaldy.
Aıta keteıik, buǵan deıin AQSh saıasatkeri Charlı Kırktiń ólimine qatysty jańa derekter jarııalandy.